Aurten Hamarratz eta Urzelai proiektuak gehiago ezagutzeko aukera izan dugu Instagram bidez egin ditugun zuzeneko elkarrizketei esker. Zuk ere gehiago ezagutu nahi dituzu?
Hamarratz proiektua ezagutu genuen, Uxune Iparragirreri, sortzaileari egin genion elkarrizketari esker. Bere ibilbideaz, oztopo eta bidelagunez, euskaraz ekitearen atzean dagoen hautu pertsonal eta politikoaz… hitz egin zigun solasaldi goxo eta interesgarrian. Elkarrizketa ikusi nahi baduzu, hementxe duzu oso-osorik.
Uxue Urzelairekin ere aritu ginen solasean eta Urzelai proiektua zer den, zein zerbitzu eskaintzen dituen eta bere filosofia zein den azaldu zizkigun, besteak beste. Gehiago jakin nahi baduzu, jarraian duzu elkarrizketa osoa ikusgai.
Bi emakume ekintzaile, ausart eta zoragarri hauen berri izan eta solasean aritzea plazera izan zen. Mila esker bioi eta ibilbide oparoa izan dezatela zuen proiektuek! 😉