Sare sozialetan, webgunean, karteletan, eskuorrietan… komeni da akatsik gabe idaztea; baina, zer egin zalantzak ditugunean? Euskaraz ongi idazteko gomendioak eskaintzen dizkizuegu segidan.
Euskaraz ongi idazteko zenbait gomendio:
- Alde batetik, euskararen oinarrizko arauak jakitea ezinbestekoa da. Horrek esan nahi du, denbora pixka bat eskaini behar diogula arau horiek ikasteari, eta barneratzeari.
- Guk geuk idatzi behar badugu, ahalik eta egokien egin behar dugu, eta ez badugu horretarako gaitasunik, beste norbaiti eskatu beharko diogu egitea.
- Akatsez beteriko komunikazioak, kontrako efektua izan dezake. Hau horrela, idatzi ondoren, beti errepasatu behar ditugu gure idatziak eta irudiak.
- Erabili euskaraz ongi idazteko tresna ezberdinak: Itzuli (hiztegi neuronala), Elhuyar hiztegia, Euskaldaintziaren arauen bilatzailea.
- Eta jarraitu euskaraz ongi komunikatzen diren beste ekintzaileak. Horrela, euren eredua jarrai zenezake.
Esan bezala, garrantzitsua da nola komunikatzen dugun; horrek irudi bat sortzen du jendearengan, eta ona ala eskasa izan daiteke. Hau horrela, gomendio hauek jarraitzea gomendatzen dizuegu, aurrerantzean arreta jartzeko zeuen idatziei eta zuen lanaren eta izanaren irudi bikaina zabaltzeko komunikazio guztietan 😉
Baliabide gehiago nahi badituzu, irakurri Baliabideak ataleko beste post-ak.
Egun ona izan!
Euskaraz ongi idazteko gomendioak