Itziar Ituño Martínez basauriarra 1974 urtean jaio zen aktore eta abeslaria da. Euskal Herrian Nekane Beitia (Goenkale) pertsonaiaren bitartez egin zen ezagun, baina, nazioarteko ospea lortu zuen La casa de papel seriean Raquel Murilloren papera interpretatzeagatik (Antena3 eta Netflix).
Euskal Herriko Unibertsitatean Soziologia ikasketak batu zituen, eta Interpretazioa ere ikasi zuen Antzerki Eskolan. Lan-ibilbide oparoa izaten ari da Ituño, eta bere naturaltasun eta gertutasuna nabarmendu nahi ditugu. 16 urtez aritu zen Goenkalen lanean, baina, telebista eta ikus-entzunezko medioetako lanak beti uztartu ditu antzerki eta abeslari lanekin.
Sari ugari jaso ditu bere ibilbidean egindako lan anitzengatik, baita aipamenak ere, eta 2024 urtean, zaila izan zela aitortu zuen urtean, Bilboko Aste Nagusiko pregoilari moduan hautatu zuten Bilboko konpartsek, eta modu honetara, gertukoen babesa eta besarkada jaso zuen.
Lanean, gozatzen eta guri bere interpretazio eta abesti zoragarriak sortzen jarraitzea espero dugu luzaroan!!