Nicolasa Pradera Mendive 1873 urtean Markiña-Xemeinen jaio zen euskal gastronomiako sukaldari aitzindaria izan zen. Madrilen hil zen 1959 urtean.
Familiaren behar ekonomikoak bultzata, 20 urterekin Gaitan de Ayala sendiaren etxean hasi zen lana egiten. Hortik gutxira, bertako alaba bat Donostiara joan zen ezkonduta, eta berekin joan zen Pradera, haren etxe berriko sukaldeaz arduratzeko.
44 urterekin, Donostiako Aldamar kalean “Casa Nicolasa” jatetxea ireki zuen, denbora laburrean ospea lortu zuena. 1932 urtean, aldiz, Maria Urrestarazuri jatetxea saldu zioin eta seme-alabekin batera Kontxa pasealekuaren parean “Andia” jatetxea ireki zuen.
Handik gutxira, Gerra zibila hasi zen, eta hau amaitzean, 1940 urtean, hain zuzen ere, Madrilera joan zen eta bertan ireki zuen “Nicolasa” jatetxea.
La cocina de Nicolasa, liburua:
Ez zen geldirik egoteko emakumea, eta lanean aritu bitartean, oso ezagun egin zen liburu hau idatzi zuen: La cocina de Nicolasa. Euskal gastronomiaren erreferentzia-liburua bilakatu zen. 1933 urtean lehen argitalpena egin zutenetik, 19 aldiz berritu dute edizioa, eta 2001 urtekoa da azken argitalpena (hogeigarrena, alegia).
18