Urte guztiak ezberdinak dira, eta ekintzaile baten bizitzan gehiago. Aldapan gora edo maldan behera ibil gaitezke noiznahi. Nahiz eta jarduera antzekoa eskaini, bezeroak aldatu egiten dira, momentuak ere bai, eta ondorioz, testuingurua ere bai.
Baina, gure aldartea ez da beti berdin egoten. Ekintzaile izatea ez baita lan makala: dena egin behar duzu zuk, dena pentsatu eta erabaki behar duzu. Horregatik, garrantzitsua da hornitzaile onak topatzea bidean, euren ahalegin eta lanak zurea indartu eta aktibatuko duelako.
Baina, gaurkoan, animoez hitz egingo degu, emozio baxuez, alegia. Ezin garenez beti pozik eta indartsu egon, zer egin indar gutxi dugun boladatan? Nola heldu eguneroko lanari gorputzak eta arimak ez baditugu lerratuta ildo berean?
Gure ustez, momentu horietan, gorputza entzun egin behar da eta kasu egin. Bizitza bizigarri egiten laguntzen diguna da, benetan, gu nola gauden jakitea eta ez jokatzea makinen moduan. Gorputzak espresibitate handia du baita aurpegiak ere. Beraz, nahiz eta hitzez gauza bat esan, gorputzak kontrakoa adieraz dezake.
Horregatik, bi mantra edo esaldi gustatzen zaizkigu lantzea momentu hauetan. Ea zer iruditzen zaizkizuen:
- Goizero berriz jaiotzen gara. Hau da, goizero, aukera berriak irekitzen zaizkigu.
- Irribarrez ekiten badiogu egunari, gure patua kolorestua izateko ahalegina egingo dugu.
Batzuetan komeni da gai bat, bezero baten aldaketa bat, proiektu berri bat… sakonki aztertzea, eta ideia ezberdinei bueltak ematea. Hau da, erabaki bat hartzeko iritzi ezberdinak jasotzea, eta emaitza ahalik eta onena eskaintzeko bide luze eta korapilatsua egitea. Bai, noski. baina, bestetan, gai ez hain esanguratsu baten bueltan katramilatzeak, ez digu barne-indarra baino lapurtzen. Horretaz jabetzen bagara, hau da, indar gabe geratzen ari garela, edota animoak jaisten: bihar beste egun bat izango dela pentsa dezakegu. Joan kirola egitera, izerditu, ondo pasa, dutxatu eta deskonektatu buruko katramilaz. Bihar, berriro jaioko zara 😉
Bestetik, beti ez dugu irrafartsu egoteko indarra, noski. Gauza ez da positibismoan erortzea eta denak horrela izan behar duela pentsatzea. Ez noski. Baina, geure buruarekin, bizitzarekin, egiten dugunarekin pozik bagaude, irrifar ala pentsamendu alai hori da eguna pasatzeko behar dugun energia emango diguna. Gustora bagaude egiten dugunarekin, pozik egongo gara gure buruarekin. Goazen bada, gauzak egitera hori lortzeko!
Ekintzaile izanik, bi bakar bat ez dago lana egiteko: bezeroak lortzeko, zerbitzu berri bat ezagutarazteko, sare sozialen komunikatzeko… agian, orain arte funtzionatu duenak, hemendik aurrera ez ditu emaitza berak ematen. Bide berriak irekitzeko prest izan beharko dugu, eta horretarako, denbora-tarte bat eskaini hausnartzeari. Esaterako, zein sare sozial ireki dezaket? Berri bat irekitzen badut, zahar bat itxi dezaket; denboraren kudeaketa optimoa egiteko, ezin baitut sare sozial guztietan ibili…
Pentsatu, ausartu eta egin!
Egun polita izatea opa dizuegu!